Жылдың соңғы жәрмеңкесі

Жылдың соңғы жәрмеңкесі сенбі күні болды. Сауда-саттық мерекесі қарсаңында қостанайлықтар азық-түлікті молынан алды. Әдеттегіше, азық-түлік тауарларының бағасы да арзан. Келушілердің біреуі де құр қол қайтпады. Әр ауданнан келген сатушылардың еңбегі зая кетпеді. Түске таман сөрелер бос қалды.

Барлығы жоспар бойынша. Мерекелік дастарханға қамданған қостанайлықтар көкөністі де, жеміс-жидекті де сатып алды. Жылқы еті мен қой еті де әп сәтте өтіп кетті. Мысалы, сиыр еті –  1000 теңге, жылқы – 1400 теңге, шошқа етінің құны – келісіне 750-950 теңге. Қаз еті де жақсы өтті десе болады. Оның бағасы – 1200.