Мотоциклге жол бермей…
16 шілде күні Қостанайда Абай даңғылында "Фольксваген" автомобилінің жүргізушісі солға қарай бұрылғанда қарсы келе жатқан "Сузуки" мотоцикліне жол бермеді. Мотоцикл мен автомобиль соқтығысты.
Қорытындысында 39 жастағы жүргізуші көптеген дене жарақатын алып, қалалық ауруханаға түсті. Медициналық сараптама "Фольксваген" автомобилінің 44 жастағы жүргізушісінің мас болғанын көрсетіп берді. Аталмыш факті бойынша әкімшілік өндіріс қозғалып, тергеу іс-шаралары жүргізілуде.
