Суырар сөздің қылышын
Қалалық «Мирас» мәдениет үйінде белгілі қаламгер, сатирик Ғұмар Ахметчиннің 75 жылдық мерейтойына арналған шығармашылық кеші өтті. Ғұмар Ғарифұлы өңірімізге ғана емес, республикаға танымал жазушы. Қазақстан Жазушылар одағы Қостанай облыстық филиалының директоры. Бірнеше сатиралық кітаптардың авторы.
Бұл шығармашылық кеште облыс әкімі Архимед Мұхамбетовтің құттықтау сөзін орынбасары Марат Жүндібаев оқып беріп, қазақи дәстүрмен мерейтой иесіне шапан жапты. Облыстық филармонияның көркемөнерпаздары ән айтып, күй орындап, театр әртістері Ғұмар Ғарифұлының шығармаларынан қысқа қойылым қойып, жиналған жұртты риза етті.
Бұл шығармашылық кеште облыс әкімі Архимед Мұхамбетовтің құттықтау сөзін орынбасары Марат Жүндібаев оқып беріп, қазақи дәстүрмен мерейтой иесіне шапан жапты. Облыстық филармонияның көркемөнерпаздары ән айтып, күй орындап, театр әртістері Ғұмар Ғарифұлының шығармаларынан қысқа қойылым қойып, жиналған жұртты риза етті.
Облыстық ардагерлер кеңесінің төрағасы Кенжебек Укин, ақын-жазушылар Серікбай Оспанов, Нағашыбай Мұқатов кеш иесінің шығармашылығы, азаматтық қасиеті жайында сыр шертті. Әулиекөл ауданының әкімі Жансұлтан Тәукенов жергілікті ақсақалдардың, ауыл азаматтарының құттықтау тілегін жеткізіп, Ғұмар Ғарифұлына «Әулиекөл ауданның Құрметті азаматы» атағын берді.
Жалпы, шығармашылық кеш өте қызықты әрі тартымды өтті. Жиналған өнерсүйер бұқара жұрт Ғұмар Ғарифұлының шығармашылығын жаңа бір қырынан тани түсіп, қайта-қайта қошеметтеп, құрмет көрсетіп отырды.
Нұрболат МЕШІТБАЕВ
Суретті түсірген Айбек Жүзбай
