Зейнетақыға еңбек өтілі қоса есептеле ме?

Мен  2006  жылы  63  жасымда  зейнеткерлікке  шықтым.  Содан  маған  төленетін  зейнетақы мөлшері президенттік 3000 теңге қосымшасымен  бірге  9200  теңгені  құрайды. Зейнет  демалысына  еңбек  өтілі  бойынша  шықтым.  Менің 1961 жылдан бастап,  2000  жылға  дейінгі жұмыс өтілім 39 жыл. Ол есепке алына ма? Ал, менің жолдасымның  еңбек  өтілі  30  жыл.  Қазіргі  уақытта   45 000 мың теңге алады. Менің қояр сауалым мынадай: жолдасым екеуімізге еңбек өтілі есептеле  ме, егер  есептелсе  зейнетақымызға қосымша қанша пайыз қосылады?

Жолдыбай ШӘКІРҰЛЫ,

Қостанай қаласының тұрғыны.

 

 

Редакция  қоржынына   түскен  осы   хатқа Қостанай облысы бойынша бақылау және әлеуметтік қорғау департаментінің жетекші маманы О.Ділдәбекова жауап береді:

– Ж.Шакиров  пен  К.Шакироваға   зей-нетақы есептеуге қатысты өтініш бойынша ЗТМО РМҚК  Қостанай  облыстық филиалынан  зейнетке  шыққаны  жайындағы   құ-жаттары  сұратылып, зейнетақы төлемдерін тағайындау заңдылығы тексерілді. Тексеру кезінде алынатын төлемдердің қолданыстағы заңнама нормаларына сәйкес белгіленгені анықталды.  Сондықтан қайта қарау, қайтадан құжат жинаудың ешқандай негізі жоқ.