Теңбіл тақта турнирінде топ жарды
"Алматы опен – 2016" бірінші халықаралық шахмат турнирі мәреге жетті. Бұл бәсекеде Қазақстанның қазіргі чемпионы, қостанайлық Петр Костенко алдына жан салған жоқ. 
Бас жүлдегер 450 мың теңгемен қанжыға майлады. Турнир кестесі бойынша Петрден кейінгі орынды бельгиялық Вадим Малахатько иеленді. Тағы бір 18 жастағы отандасымыз – Арыстанбек Оразаев үшінші тұғырдан көрінді.
