Сот шешімі қайта қаралды

Үстіміздегі жылдың мамыр айында Қарабалық аудандық соты «Тоғызақ элеваторы» АҚ-ын монополияға қатысты әкімшілік құқық бұзды деген айыппен оның басшысы Д.Ахметқалиевке 50 АЕК көлемінде айыппұл салу туралы қаулы шығарады. Нақтырақ айтқанда, «Тоғызақ элеваторы» АҚ былтырғы жылдың екінші жартыжылдығында бағаны көтеріп, тұтынушылар құқығын бұзды деп айыпталған.

 

Алайда Қарабалық ауданының прокуратурасы соттың 50 АЕК әкімшілік жазасы шешімімен келіспейді. Заң бойынша мұндай айыппұл көлемі 150 АЕК болу керек. Аудан прокуратурасы облыстық соттың апелляциялық алқасына наразыхат жолдап, ол қанағаттандырылды. Облыстық соттың апелляциялық алқасы шешімімен «Тоғызақ элеваторы» АҚ басшысы Д.Ахметқалиевке 150 АЕК мөлшерінде айыппұл салу туралы қаулы шығарылды.

 

Шұға қоңқабай