240 литр жанар майды қолды қылған

Қарасу ауданында ірі мөлшерде жанар май ұрлағандар қолға түсті.

      Облыстық  ішкі істер департаменті баспасөз қызметінің ақпаратына қарағанда, Қарасу ауданы Новопавлов ауылында белгісіз біреулер  ЖШС- ға қарасты   бензовоз автокөлігінен  240 литр жанар майды құйып алып кеткен. Табан астында қыруар шығынға батқан серіктестіктің директоры болған жайды  тәртіп сақшыларына хабарлайды.

Аталмыш оқиғаға қатысы бар күдіктілердің ізіне түскен аудандық ішкі істер бөлімінің қызметкерлері ұрыларды 2 күннің ішінде қолға түсірді.

Аяқ астынан оңай олжаға кенелуді ойлаған ұрыда алыстан келмепті. Ол 53 жасар сол ауылдың тұрғыны болып шықты. Оның үйінің ауласынан қолды болған айғақ заттар да табылып отыр.

Қазіргі таңда, күдікті өз кінәсін толық мойындады.

 

 

Мешіт Ғазиз