4-қабаттан құлаған бала аман қалды
15 тамыз күні 4-қабат терезесінен құлап, Қостанай облыстық балалар ауруханасына жатқызылған бала есін жиды. Медициналық мекеменің бас дәрігері Фазылбек Темірхановтың айтуынша, баланың жағдайы тұрақты, бірақ ауыр. Оған қажетті көмек барынша көрсетіліп жатыр.
-4 қабаттан құлау бас миының шайқалуына және көптеген жарақатқа әкеп соққан. – деді Ф.Темірханов. – Ауыр зақымы жоқ, ішкі органдары сау. Оның тірі қалуының өзі таңғажайып, әдетте терезеден құлаған сәбилер тірі қалмайтын.
Зардап шеккен бала ауруханадан шықпас бұрын талай диагностикалық рәсімдер мен емдеу курстарынан өтуі тиіс.
