«Алтын белгі» иегері болса да…
Үстіміздегі жылы 2059 «Алтын белгі» иегері еліміздің ЖОО-да білім алуға ниет білдірді. Алайда, білім гранттарын беру жөніндегі республикалық конкурстық комиссиясы жұмысының алдын ала қорытындысы бойынша «Алтын белгі» медаль иегерлерінің біршамасы мемлекеттік грант есебінен білім ала алмайтындықтары айқын болды. Себебі олардың дені бәсекелестік деңгейі жоғары қаржы-экономикалық немесе әлеуметтік-гуманитарлық бағыттағы мамандықтарды таңдап алып отыр. Өкінішке қарай, ол мамандықтарға мемлекет тарапынан бөлінген білім грантының саны аз және де конкурс өте жоғары.
Елімізде соңғы жылдары индустриялық-инновациялық даму басымдықтарына лайықты назар аударылуда. Сондықтан да биылғы жылы аталған басымдықтар мен еңбек нарығының қажеттіліктерін жүзеге асыру мақсатында мемлекеттік білім гранттарының көп бөлігі бөлініп отыр.
ҚР Білім және ғылым министрлігі жоғары оқу орындардың басшылығымен бірлесіп, мемлекеттік гранттарды ала алмай қалған «Алтын белгі» иегерлерін ЖОО қаражаты есебінен білім алу мүмкіндігін дербес негізде қарастыратын болады.
Гүлназым САҒИТОВА
