Ауданның егіс алқаптарын аралады

Бүгін облыс әкімінің орынбасары Ғауез Нұрмұхамбетов Сарыкөл ауданына жұмыс сапарымен келді.

Сапар барысында Гауез Торсанұлы аудан әкімі Эльдар Күзенбаевпен бірге «Мелитопольское» ЖШС, «Арыстан ПК» ЖШС және «Олейник В.Г.» ЖҚ егіс алқаптарын аралады. Ондағы дән себу жұмыстарымен айналысып жатқан Эдуард Двуреченский, Виктор Ведлер, Валерий Олейник сынды диқандардың бүгінгі тыныс-тіршілігімен танысты. Олардың айтуынша, қазіргі таңда жұмыстар қызу жүріп жатыр. Тұқым мен техника да жеткілікті. Егер, ауа райы қолайлы болса, осы айдың аяғына дейін өз жұмыстарын аяқтамақ.

 

Жалпы, бүгінгі күні Сарыкөл ауданы диқандарының бәрі өз егіс алқаптарының 70%-на тұқым сіңіргендігін атап өтті өз сөзінде өңір басшысы Эльдар Қонысбайұлы.

 

Руслан ӘЛКЕЕВ,

Сарыкөл ауданы.