“Тағзым саған, Ұлы Жеңіс!”
Ұлы Жеңістің 71 жылдық мерекесіне арқалықтықтар "Тағзым саған, Ұлы Жеңіс!" атауымен мерекелік шара өткізді. 
Орталық "Наурыз" алаңына жиналған халықты қала әкімі Ғазиз Бекмұхамедов пен қалалық ардагерлер кеңесінің төрағасы Жәнібек Ғапбасұлы құттықтады.
Дала сахнасында жеңіс шаттығын бейнелеген театрландырылған қойылымдар көрсетіліп, патриоттық әндер әуеледі. Қала мекемелері мен ұжымдары Абай даңғылын бойлай шеру жасап, «Даңқ» аллеясындағы мәңгілік алау басына гүл шоқтарын қойды. Соғыс құрбандары үнсіздікпен еске алынды.
Сондай – ақ, бұл күні соғыс және тыл ардагерлері мерекелік дастарханнан дәм татты.
Мұрат Жүнісұлы.
Арқалық қаласы.
