Жұмақанның шәкірттері жүлдемен оралды
Солтүстік Қазақстан облысының Кішкенекөл кентінде қазақ күресінен А.Қазымбетовты еске алуға арналған республикалық турнир болып өтті.Оған еліміздің түкпір-түкпірінен 13 команда, 80-нен астам боз кілем шеберлері қатысқанын айта кеткен жөн.
Біздің жерлестеріміз-Қостанай облысының құрамасы жалпы командалық есепте алаң иелерінен кейін екінші орынды еншіледі. Ал жекелей сындарда жүлделі бірінші орынды 60 келіде кілемге шыққан Теміржан Сержан жеңіп алды. 90 келі салмақта сынға түскен Абылайхан Қасымхан турнирдің қола жүлдегері атанды.
Палуандарды жарысқа баптаған Жұмақан Қасымхановтың еңбегін де ерекше атай кеткеніміз абзал.
Әлібек Ыбырай
