Қаңғыбас бала үйіне қайтарылды

Қарабалықтық азаматша жергілікті полицейлерге 15 жасар баласының ұшты-күйлі жоғалып кеткенін айтып арызданған. Жеткіншек Қарасу ауданында тұратын әжесіне қонаққа бармақ болып жолға шығып кетіпті, бірақ діттеген жерге жетпеген. Абырой болғанда, тәртіп сақшылары адасқақты есен-сау күйінде тауып алды. Қостанайда әлдебір танысының үйінде жатыпты. Сапарының орта жолынан үйіне қайтарылды.

Айтпақшы, оның бақылаусыз және қаңғыбастыққа бейім жасөспірім ретінде тіркеуде тұрғаны белгілі болды.