Заңды өрескел бұзған
Рудный қаласының прокуратурасы туберкулезге қарсы диспансердің заңсыз мемлекеттік сатып алулар процедурасын ұйымдастырғанын анықтады. Белгілі болғандай, мекеме өндірістік ғимараттарды күзету қызметін 7 800 000 теңгеге бағалап, хабарландыру арқылы баға ұсыныстарын сұратқан. Ең төменгі баға ұсынған фирмамен келісім шартқа отырып үлгеріпті.
– Бұл қызмет түрі арнайы рұхсат қағазын немесе лицензияны қажет ететіндіктен «Мемлекеттік сатып алулар» Заңына сәйкес процедура сатып алу әдісі конкурс түрінде өткізілу керек. Яғни мемлекеттік мекеме заң талаптарын өрескел бұзған,- дейді прокуратура өкілдері.
Аталмыш факті әшкереленген соң диспансер мен жеңімпаз арасындағы келісім шарт жарамсыз деп танылды. Ал мекеменің лауазымды тұлғалары әкімшілік жазаға тартылды.
Қуаныш ЕСҚАБЫЛ
