Қала көшелері жаңармақ

Биылғы жылы қаламыз көркейе түспек. Шаһар ішіндегі 16 көше жөнделіп, асфальт төселеді деп жоспарлануда.

Облыс орталығындағы жолдардың сапасын жақсарту үшін республикалық бюджеттен 4,5 млрд. теңге бөлінген. Осынша көп қаражат жол жөндеу үшін бұрындары бөлінбесе керек.

Осыған орай Герцен көшесіндегі жөндеу жұмыстары аяқталады. Красный Кузнец, Дулатов, Солнечная, Майлин (Гагарин көшесінен Дощанов көшесіне дейін) көшелерінде жөндеу жұмыстары жүргізіледі. Алдымен жол асты инженерлік коммуникация ретке келтіріліп, сосын барып жол төселмек. Жөндеу жұмыстары 2017 жылы аяқталады деп күтілуде.

Сонымен қатар Уральская көшесіндегі айналымнан Аэропорт көшесіне дейін күрделі жөндеу жұмыстары жүргізіледі. Маңызды жөндеу Абай көшесінде де жасалады. Жобаға 1,3 млрд. теңге кетеді.

Қала әкімі Б. Жақыпов: “мұның сыртында қаладағы 23 көшеде орташа жөндеу жұмыстары жүргізіледі, қазіргі дағдарысқа қарамастан қала көшелерін ретке келтіру қолға алынады” дей кетті қалалалық әкімдікте өткен отырыста.

 

Айтолқын АЙҚАДАМОВА