Аманатқа – қиянат
Қостанай қалалық №2 сотында Қостанай облыстық әкімдігінің білім басқармасының Білім беру сапасын бағалау және ақпараттандыру орталығының бас бухгалтері 1989 жылы туған Д-ға қатысты қылмыстық іс түсті.
Ол ҚР ҚК-нің 189 бабы 3 бөлігі 1,2 тармақтарымен қарастырылған қылмыстық істе айыпталып отыр
Айыптау материалдарына сәйкес, 2012 жылдың 2 мамырынан 2016 жылдың 31 қаңтары аралығында айыпталушы Д. Білім беру сапасын бағалау және ақпараттандыру орталығы ҚМБ шотынан «Қазақстан Халық Банкі» АҚ-ның өзінің атына тіркелген шотына 3 473 224 теңге заңсыз аударған.
Осылайша, айыпталушы өзіне сеніп тапсырылған қаражатты ірі мөлшерде 3 473 224 теңгеге көлемінде иемденіп алған.
Іс бойынша басты сот отырысы жуық арада тағайындалады.
Қостанай облыстық соты
