Пәтерде өрт шықты
Сарыкөл кентінде Павших борцов көшесіндегі бір үйдің пәтерінде асүйде өрт шықты. Үй иесі әйел денесі күйіп, Сарыкөл аудандық ауруханасына түсті. Өрт сөндірушілер газ баллонын сыртқа шығарып үлгерді.
Қостанайда 8 шағын ауданда 17-ші үйде бір пәтердің лоджиясында өрт шығып, жиһаз бен үй заттары отқа оранды. Өрт сөндірушілер үй иесін құтқарды. 14 адам қауіпсіз жерге шығарылды.
Әулиекөл селосында Қостанай көшесіндегі бір үйде жиһаз, үй бұйымдары өртенді. Өрт сөндірушілер бір сағаттан соң қызыл жалынды ауыздықтады.
