Дүйім қауымды жиған “Домбыра – думан” (3)

Шараның тағы бір ерекшелігі –  "Домбыра-думанда" эстрадалық нөмірлер де тыңдармандар жүрегіне жол тартты. Күмбірлеген күйлер мен әуелеген әндерді қарасы қалың қауым ұйып тыңдады. Кеш соңында барлық күйшілер сахынаға шығып, Құрманғазының күйі "Балбырауынды" қосыла орындады. Кешті "Қостанай таңы" газетінің бас редакторы қорытындылап, үздік өнер көрсеткен жастарға марапаттар тапсырды.

"Домбыра-думанның" арнайы сыйлығына өрімдей күйшілерден құралған,Жасұлан Намиялы жетекшілік ететін "Жұлдыз" студиясы және Айдар Айтжанов, Амангелді Өмірзақов атты өнерпаздар иеленді.

Көпшілік алдында өнер көрсеткендердің ешқайсысы да елеусіз қалған жоқ. Барлығына сый-сияпат табысталды.