Жұмыс тобы құрылды

Жергілікті атқарушы органдардың жұмысын жетілдіру мақсатында, Елбасымыздың бастамасымен жер-жерлерде қоғамдық кеңестер құрыла бастады. Айтулы шара Тобыл өңірінде де қолға алынды.  Былтырғы жылдың 2 қарашасында қабылданған «Қоғамдық кеңестер туралы»  заңына сәйкес, облыстық мәслихаттың хатшысы С.Ещановтың басшылығымен бүгін Қостанай облысы қоғамдық кеңесінің жұмысшы тобы құрылды.

Айтулы шараға қоғамдық ұйым, жергілікті билік өкілдері және жұмыс тобына үміткерлерін ұсынған азаматтар, бұқаралық ақпарат құралдары қатысты. Жиын барысында, жұмыс тобының құрамы анықталды. Ендігі міндет – қоғамдық кеңестің құрамын айқындау. Осы мақсатта, жұмыс тобының ашық дауыс беруімен, 1-5 ақпан аралығында қоғамдық кеңеске үміткерлерді қабылдау тәртібі бекітілді. Көпшіліктің қалауымен  қабылданған құжатпен облыстық мәслихаттың http://maslikhat.kz және облыстық ішкі саясат басқармасының http://sayasat.kostanay.gov.kz  ресми сайттарынан танысуға болады. Өтініш беруге негізделген ақпараттар да осы сайттарда жарияланған.