Бас имам аудан жамағатымен кездесті

Аманкелді ауданына Қазақстан мұсылмандары діни басқармасының Қостанай облысындағы өкілі, Қостанай облыстық «Марал ишан» мешітінің бас имамы Тәжімбет Бақытбек Нұрғабылұлы келіп, аудандық «Сатыбалды ишан» мешітінің жамағатымен кездесу өткізді.

Алла үйіне жиналған мұсылмандарды «Тәуелсіздік күні» мерекесімен құттықтап, аудан тұрғындарына жақсылықтар мен еңбектеріне табыс тіледі. Тәуелсіздік құрбандарын еске алып, олардың рухына арнайы құран бағыштады. Бас имам Б.Нұрғабылұлы бүгінгі қоғамдағы өзекті деген мәселелер жайында сөз қозғап, әртүрлі дін атын жамылған ағымдардан сақ болуға шақырды.