«16 желтоқсан – Тәуелсіздік күні» атты салтанатты жиын өтті
Аманкелді аудандық Қ.Әбенов атындағы Мәдениет үйінде «16 желтоқсан – Тәуелсіздік күні» атты мерекелік салтанатты жиын өткізілді. 
Шараны тамашалауға аудан басшылары, мекеме, кәсіпорын иелері мен қызметкерлері және зейнеткерлер қатысты. Аудан әкімі Ж.Таукенов құттықтау сөз сөйлеп, бірқатар азаматтарға ауданның әлеуметтік-экономикалық дамуына елеулі үлес қосқаны үшін Қостанай облысы әкімінің грамотасын және еңбектегі жоғары жетістіктері үшін аудан әкімінің грамотасы мен алғыс хатын, сондай-ақ «Еңбек ардагері» медалін табыс етті. 
Жиын соңы аудан өнерпаздары дайындаған концерттік бағдарламаға ұласты.
