Қостанайда Тұңғыш Президент күні аталып өтті (фоторепортаж)
Еліміздің барлық аймағында тойланып жатқан Тұңғыш Президент күнін қостанайлықтар да асқан ықыласпен атап өтті.
Осы уақытқа дейін өңмеңіңнен өтетін суығы мен шымшылаған аязы көтеріліп тұрған Қостанайда, дәл бүгін төбесінде күн күлімдеп, сәл болса да жылына түсті.
Қала орталығында ұйымдастырылыған іс-шараны тамашалуға айтарлықтай көрермен жиналды.
Күміс көмей әншілер мен мың бұралған бишілердің өнері концерттің көркін кіргізді. Елбасы туралы өлеңдер оқылып, ол кісінің жүріп өткен өмір жолынан сыр шертілді.
Көрермендерге Ұлт Көшбасшы туралы сұрақтар қойылып, ұтыс ойындары жүргізілді. Барлық сұраққа дұрыс жауап берген көрерменге сыйлық табыс етілді.
Тұңғыш Президент күнінің мерекелік концерті көптің көңілінен шықты. Шара тұрғындардың Президентке деген ду қол қошеметімен аяқталды.
Кенже ҚОНЫСБАЙ
Суреттерді түсірген автор.
