«Тiл жанашыры» құрмет белгiсiне ие болды
Астана қаласында «Қазақстан Республикасының Тұңғыш Президентi — Елбасының Кiтапханасы» мемлекеттiк мекемесi мен «Тiл жанашыры» қоғамдық ұйымы бiрлесе отырып, елiмiзде мемлекеттiк тiлдiң насихатталуына белсендi үлес қосып жүрген бiр топ азаматтарға «Тiл жанашыры» құрмет белгiсiн табыс ету салтанатын өткізді.
«Тiл жанашыры» құрмет белгiсi осымен бесiншi рет табысталып отыр. Биыл оған 21 номинант қол жеткiздi. Олардың қатарында елiмiздiң түкпiр-түкпiрiнен жиналған тiл жанашырлары бар. Сондай-ақ, Мәскеу мен Орынбор қалаларында қазақ халқының мәдениетi мен тiлiн насихаттап жүрген азаматтар жоғары марапатқа ие болды.
Қостанай облысынан облыстық ардагерлер кеңесінің төрағасы Кенжебек Үкин марапатқа лайықты деп танылды.
