6 балабақша ашылады
Қостанайда ағымдағы жыл аяғына дейін 6 жекеменшік балабақша ашылады. Мұнда мемлекеттік топтар жұмыс істейтін болады. Облыс орталығындағы барлық жекеменшік бөбекжайларға, ұзын саны, 1190 балғын орналастырылмақ.
Бұл 6 балабақша мемлекеттік топтағы балалардың тең жартысын қамти алмақ. Қазіргі таңда 4 меншікті бөбекжайда 360 баланы қамтитын үш мемлекеттік топ жұмыс істейді. Барлығы мемлекеттік-меншікті әріптестік шеңберінде ашылған. Орта есеппен бұл 5-тен 6 млн.теңгеге дейінгі соманы құрайды. Ал, жыл аяғына дейін ашылғалы отырған тағы алты мекеме 700-ден астам балдырғанды қабылдайды. Осылайша, Қостанайда жаңа жылға дейін топқа 1190 бала орналастырылады.
