Мектептен от шықты
Қостанай қаласындағы Назарбаев зияткерлік мектебінде өрт шыққан. Бірінші қабаттағы асхананың қасында, дәлізде орналасқан тоқ таратқыш жәшік өртенген. Тілсіз жауды мекеменің қалыптасқан ерікті өрт сөндірушілері алдын ала білген. Оқиға орнына ешқандай өрт сөндірушілерді шақырмаған.
Қазір мәселенің барысын Қостанай қаласының ТЖ басқармасының қызметкерлері анықтауда. Қол кептіруге арналған құрылғыларды көп пайдаланудың салдарынан тоқ көздеріне күш түскен. Болған өрттен ешкім зардап шекпеген.
