Қарызы бар көліктер тәркіленді

 

Бес күн ішінде 67 көлік иесінің көлік салығына 880 мың теңге қарызы бары анықталды.

Жеке сот орындаушылары көлік салығын төлемей жүрген борышкерлерді олардың көліктерін тәркілеу туралы мәселе қойып отыр. Рудный және Қостанай қаласының мемлекеттік кірістер басқармасының қызметкерлері, жеке сот орындаушылары және Қостанай қалалық ішкі істер басқармасының қызметкерлерімен бірлесіп өткізген рейд кезінде қарызы бар BMW және «Мерседес» автокөліктері тәркіленді. Темір тұлпарлар уақытша автотұраққа қойылды. Олардың иесі көлік салығын қайтарғанша осында болады.

Тағы да бір қолға алынған шара көлік иелері енді Қазақстан Респубикасы шекарасынан ары аттап аса алмайды. Қостанай облысы бойынша мемлекеттік кірістер департаменті көлік салығына қарызы бар 2000 тұлғаның ісін құзырлы органдарға жолдады.