Жаңа қазандықтар орнатылады
Ұзынкөл ауданындағы Федоров орта мектебіне жаңа модульдік қазандық орнатылады. КВСрд-0,3 деп аталатын жаңа қазандықты орнатып жатқан учаске бастығы Н. Ростовцевтың айтуынша, басқа қазандықтардан айырмашылығы сол, қуаттылығы мен үнемділігінде екен.
Оған жағатын тас көмір мөлшері бірнеше есе аз кетеді. Нәтижесінде бюджеттік қаражатты үнемдеуге болады. Қазандық толық автоматтандырылған, екі жұмысшы істейді.Қазандықты мектептің ішінде емес, сыртқа, мектеп ғимаратынан 50 метр қашықтықта, ал, басқару жүйесін ғимарат ішінде орналастыруға болады. Осындай қазандықтар ауданның тағы 10 мектебінде орнатылады деп жоспарлануда.
Гүлназым САҒИТОВА
