Құрбан айтта қазақстандықтарға демалыс
24 қыркүйекте, яғни Құрбан айттың алғашқы күнінде демалыс болады. ҚР Еңбек кодексіне сай, қазақстандықтарға бейсенбі күні жұмыс болмайды. Бұл жайлы мәлімет Today.kz сайтында жарияланды.
Құрбан айт – Оразаның аяқталуынан 70 күн өткеннен кейін мерекеленетін мұсылман жамағаты үшін аса қасиетті мейрам. 3 тәулікке созылатын діни тойда Аллаһ Тағала үшін құрбандыққа қой, сиыр немесе түйе шалынады. Алғашқы күнінде мешіттерде намаз оқылып, мүмін қауымы бір-бірін құттықтап, дастарханнан дәм татқызады. Құрбан айт ай күнтізбесі бойынша жыл сайын 10 күнге кешігіп кіреді.
