Тобыл бойындағы той
Тобылдың қойнауында бой көтерген көркем қаламыздың құрылған күні биыл ерекше тойлануда. Қалалықтардың бірі де қалыспай сүйікті Қостанайымыздың күнін белсенді атап өтті. Қалалық әкімшіліктен бастап, Орталық стадионға дейін шаһардағы үздік мекемелер түрлі кейіпкерлерге еніп, ұзын-сонар шеру құрды.
Орталық стадионға жиналған жұртшылық керуен үшін қошеметін аямады.
Көш құрамында Ресей және Қазақстан жұлдыздарының бейнесін сомдаған әртістер мен ел тарихынан сыр шертетін маңызды тұлғалар да болды.
Түрлі ұлттар мен ұлыстарға мекен болған Қостанай жерінің бірлігін насихаттап, халқымыз бір шаңырақ астына жиналды.
Жоғарғы оқу орындарының сұлулары көштің сәнін кіргізді.
Жүздеген өнерпаздардың жұлдызды сәті осы болды.
Облыс басшысы Н.Садуақасов қала тұрғындары мен қонақтарын құттықтап, Қостанай қаласының құрметті азаматтарын марапаттады.
"Облыстың Құрметті азаматы" Кенжебек Үкіұлы және "Қостанай қаласының құрметті азаматтары" Беген Көпеш пен Шыңғыс Жүсіпов.
Өңірдің өнерлі жастары туған қаласы үшін аянып қалмады.
Көңілді кешке келген көрермендер шын бақытқа кенелді.
Кештің көркін кіргізген фаер-шоу қостанайлықтарға қатты ұнады.
Көптен күткен Ресейлік жұлдыз Олег Газманов сахнада.
Бұл кештің әр минуты шаттық пен күлкіге толы болды. Көңілсіз жағдай тек сән-салтанаттың соңында ғана орын алды. Қостанай мерекемен қимастықпен қоштасты.
Кенже ҚОНЫСБАЙ
Суреттерді түсірген Айбек ЖҮЗБАЙ
