Жолдағы қауіпсіздікті арттыру үшін
Қостанайлық полицейлер жазғы демалыс кезінде оқушылардың жолдағы қауіпсіздігін қамтамасыз етуді көздейтін акция өткізді.
Екі жүзден астам оқушыға жарық шашатын жапсырмалар мен белгілер таратылды. Жарық шашатын белгілер көзге тез түсіп, жүргіншінің жолдағы қауіпсіздігін арттырады. Ішкі істер департаментінің бастамасын "Аско" сақтандыру компаниясы қолдап, балаларға жолда жүру ережелері туралы жадынама мен жазғы демалыс кезеңіне сақтандыру полистерін тапсырды.
