Спорттық бәсекелер басталып кетті
Қостанай ауданында өтетін «Тың-Целина-2015» облыстық спартакиадасының спорттық бәсекелері басталып кетті. Әр ауданның сайдың тасындай іріктелген спортшылары бабы мен бақтарын қатар сынауда. Суреттер «сөйлесін».
Қай команданың да қарманғаны – мына теңбіл доп секілді, ептілерге ғана бұйыратын жеңіс.
Спорт мерекесінің көрігі қызбай тұрып-ақ, көрермен қарасы қалыңдай бастаған.
«Күші жеткен алып та, шалып та жығады».
Бәрі де сан күнгі даярлықтарын ортаға пәрменінше салып-ақ жатты. Мақсат – мүмкіндікті мүлт жібермеу, сәттілікті уыстан сусытып алмау.
Спартакиаданың салтанатты ашылуы бүгін кешке өтеді. Айтулы спорт мейрамының алғашқы күніне облыс әкімі Н.Садуақасов арнайы барып қатыспақ. Ал ашылу жайындағы және демалыс күндері өтетін жарыстар жөніндегі ақпараттарды кейінірек назарларыңызғы ұсынатын боламыз.
Жандос Жүсіпбек
Суреттерді түсірген: Бағдат Ахметбеков
