“Әдеби десант” Арқалықта

Арқалыққа Елбасының "100 нақты қадам – ұлт жоспары" бағдарламасын насихаттау және ел арасында түсіндіру мақсатымен облыстан арнайы делегация келді. Облысытық ішкі саясат басқармасының басшысы Ж. Мақанов, облыстық "Қостанай таңы" газетінің директор – бас редакторы Ж. Аязбеков, ақын А. Шаяхметов және шығармашылық топ сапар барысында қаланың мәдениет ошақтарын, оқу орындарын аралап, кездесулер өткізді.

№2 облыстық – ғылыми әмбебап кітапханасында өткен "Әдеби десант" жобасында қала әкімі Ғ. Бекмұхамедов құттықтау сөз сөйлеп, қасиетті мұраны келешек ұрпаққа жеткізу – өміршең шара екендігін тілге тиек етті. Ақын – жазушылар Ж. Аязбеков, А. Шаяхметов, Н. Бұқабаев, Ж. Жүсіпбековтер жалынды жырларын оқып, кітаптарын сыйға тартты.

 

Мұрат Жүнісұлы

Суретті түсірген автор

Арқалық қаласы.