«Гүлдер» ансамблінің концерті болады

9 маусым күні Қостанайда қалалық балалар шығармашылығы мектебінде есімі елімізге танымал «Гүлдер» эстрадалық-би ансамблінің концерті болады.

Аталмыш өнер ұжымы ұлттық құндылықтарды дәріптеуде қомақты үлесін қосып келе жатқанына 45 жылдай болғанын айта кету керек. Қазіргі таңда бұл ансамбльге дарынды әнші Бахтияр Тайлақбаев жетекшілік етеді. Облыс орталығында өтетін концертке Ақбота Керімбекова, Бейбіт Қорған сияқты еліміздің эстрада жұлдыздары мен «Денар», «Сұңқар» топтары да өнер көрсетеді деп күтілуде.

 

 

Мінаура Қабдырахметова