Мерейтолық монеталар шығады
Бүгін Қазақстан Республикасының Ұлттық Банкі «Есте қалатын оқиғалар мен адамдар» монеталар сериясынан «proof» сапалы күмістен номиналдық құны 500 теңгелік және нейзильбер қоспасынан номиналдық құны 50 теңгелік «Қазақ хандығына 550 жыл» мерейтойлық монеталарын айналымға шығарды.
Бұл мерейтойлық монеталар 2015 жылы Қазақ хандығының 550 жылдық мерейтойын дайындау және өткізу жөніндегі іс-шаралар жоспарына сәйкес дайындалды.
«Рroof» сапалы күмістен жасалған монетаның бетіне алтын жалату технологиясы пайдаланылған.
Монеталар 925 сынамды күмістен дайындалған. Мерейтойлық ақшаның таралымы 5 мың дана. Екінші монетаның таралымы 100 мың дана.
Номиналдық құны 500 теңгелік және 50 теңгелік мерейтойлық монеталар Қазақстан Республикасының бүкіл аумағында көрсетілген құнымен төлемнің барлық түрлері бойынша, сондай-ақ банк шоттарына есептеу үшін және аударым жасау үшін қабылдануға міндетті, Қазақстан Республикасының барлық банктерінде шектеусіз ұсақталады және айырбасталады.
