Құбыр жаңартылып жатыр
Облыс орталығының Таран және Баймағамбетов көшелерінің қиылысындағы жылу құбырында ақау бар екендігін мамандар осыдан бір апта бұрын анықтаған.
Жөндеу жұмыстарын бастамас бұрын, жаңа құбырлар мен қажетті жабдықтар алдын ала дайындалды. 
Өйткені аталмыш көшеде көлік қозғалысы тығыз. Жөндеу жұмысы қалалықтар мен жүргізушілерге қолайсыздық туғызары анық.
Кеше кешкі сағат 20.00 шамасында жол беткі қабаты сырылып алынып, жөндеу жұмысы басталды.
Коммуналдық қызметкерлер бұл жерде 80 метрлік құбырды жаңартады.
Мамандар жұмысты бүгін кешке дейін аяқтап, ыстық су қосуды жоспарлап отыр.
Махаббат Бекбай
Суретті түсірген Айбек Жүзбай
