Соңғы қоңырау
Әрбір оқушы үшін, бұл күннің ерекше екені мәлім. Мектеп оқушылары соңғы қоңырау сыңғырымен жазғы демалысқа аттанады. Ал, 11 жылды артта қалдырған түлектер алтын ұясымен қоштасады. Біреулері оқу орнына түсіп білімін ары қарай жалғастырарына қуанышты болса, енді бірі білім нәрімен сусындатқан алтын ұясымен қимай қоштасуда.
Осындай салтанатты кештердің бірі №2 Қашар орта мектебінде өткен еді. 9-11 сынып оқушыларының атсалысуымен «Соңғы қоңырау» атты концерттік кеш ұйымдастырылды. Шара барысында, мектеп оқушылары ұстаздарына деген алғыстарын әнмен жеткізуге тырысты. Өз кезегінде ұстаздар қауымы шәкірттеріне ақжол тілеп, алдағы емтихандарын жақсы тапсыруға, қалаған оқу ордаларына түсулеріне тілектерін білдірді.
Гүлназ Алпысбаева, жас тілші
