100 мың гектар жер мемлекет еншісіне қайтарылды
Амангелді ауданы әкімдігінің жер қатынастары бөлімінің заңға қайшы әрекеті әшкере болды. Аталмыш бөлім қызметкерлері жер заңнамаларын өрескел бұзған. Осылайша 100 мың гектар алқапты сол аудандағы «Ервразия Инвест» ЖШС қолданысына берген.
Аудандық прокуратура тексерісі заңсыздықтың бетін ашты. Құзырлы мекеме өкілдері Амангелді ауданы әкімінің қаулысын теріске шығарып, құжаттың күшін жоюын талап етті. Прокурорлардың шара қолдануы нәтижесінде 100 мың гектар жер мемлекет меншігіне қайта қайтарылды.
Махаббат Бекбай
