Тегін кеңес береді
Ағымдағы жылдың 1-маусымында еліміздің барлық алғашқы медико-санитарлық көмек көрсету ұйымдарында ашық есік күні өтеді. Азаматтар бұл күні неонотолог, невропатолог және басқа да дәрігерлер кеңесін ала алады.
Аталмыш іс-шара Халықаралық балаларды қорғау күніне орай ұйымдастырылуда. Бұл мереке «Балалардың денсаулығы мен бақыты өз қолымызда» ұранымен өтпек.
Сонымен қоса, жасөспірімдер денсаулығын сақтау мәселесі конференциялар мен семинар-тренингтерге арқау болмақ. Алғашқы медициналық көмек көрсету мекемелерінде болашақ аналар арасында «Мен болашақ анамын» және «Қуанышыммен бөлісемін» атты фотосурет байқауы өтеді.
Махаббат Бекбай
