Волейболшы Ақмарал

Қазақ қыздарының арасында баскетбол, волейбол сияқты спорт түрлерінен көрінетіндер аз. Ал біздің кейіпкеріміз Ақмарал Әлімхан волейболшы. Төртіншы сыныптан бастап спорт мектебінде тәрбие алды. Жан дүнесіне жақын болды ма әйтеуір бастауыш сыныпта жүргеннен бастап спортты жанына серік етті. Жылдар өтсе де балалыққа салынып тастап кетпеді. Қолға алған ісінен нәтиже шығара білді. Күнделікті жаттығу өз нәтижесін де берді. Спорт шебері де атанды. Уақыт өте келе үздіктер қатарына ілінді. "Тобыл" волейболшы қыздардың командасына кірді. Талай жүлдені бағындыра білді.

9 сыныпты бітірген соң осы саладан танбай дене шынықтыру факультетіне колледжге оқуға түсті. Болашақта жаттықтырушы болады. Ал әзірге жаттығу, жаттығу.

– Спортпен шұғылдануға әбден үйреніп ал-ғанмын. Өкініштісі қазақ қыздары қатарымызда аз. Мектепте жүргенімде бимен де, спортпен де айналыстым. Болашағымды да осы саламен байланыстырғым келеді. Қатар құрбыларыма айтарым, спортқа жақын болайық, – деп қысқа да нұсқа қайырды Ақмарал. Сөзден гөрі іске жақын екені көрініп тұр. Ендеше жарқын келешек тілейміз саған, волейболшы Ақмарал.