Жол полициясы қала көшелеріндегі бақылауды күшейтеді
20 мамыр күні облыс орталығы көшелерінде жол полициясы қызметкерлері жүргізушілерді қатаң бақылауға алмақ. Бірақ бұл жолы назар ереже бұзушыларға емес, тәртіпті жүргізушілерде болмақ.
Жолкөлік оқиғалары көпшілік жағдайда жүргізушілердің тәртіпсіздігінен болып жатады. Сондықтан, жол сақшылары ереже бұзбайтын, жаяу жүргіншілерді өткізетін, өзге автокөліктерге жол беріп, сыпайылық танытқан темір тұлпар иелеріне құрметтемек.
Жол полициясы қызметкерлері қала көшелерінде ерекше кезекшілік құрады. Көзге түскен ереже бұзбайтын жүргізушіге «Тәртіпті жүргізуші» деген жазуы бар жапсырма парақшаны табыс етпек.
Махаббат Бекбай
