COVID-19: +12 адам

21 тамызда Қостанай облысында коронавирус инфекциясын 12 адам жұқтырды.
Қостанай қаласында 5, Тобыл қаласында 1 адам індетке шалдыққан. Сонымен қатар, Қостанай ауданында 4, Сарыкөл және Қарабалық аудандарында 1 жағдайдан анықталды.
Науқастар медициналық көмекке жүгінулері бойынша, сондай-ақ тамақ ауыруы, дене қызуы, әлсіздік белгілерімен профилактикалық мақсатта тексерілді. ПТР зерттеу қорытындысы олардың ағзасында инфекция барын көрсетті.
Олармен байланыста болған барлық адам медициналық бақылауға алынды. Профилактикалық және эпидемияға қарсы іс-шаралар жалғасуда.

Сонымен қатар, «Емдеуге жатқызу бюросы» АЖ түсірудің жедел деректері бойынша, 2020 жылғы 20 тамызда Қостанай облысында пневмония диагнозымен 7 адам ауруханаға жатқызылған.
20 шілдедегі мәлімет бойынша, аймақта COVID-19 инфекциясын жұқтырғандар саны 3315 адамға жетті. 2730 адам сауығып шыққан.