Жастар мерекесінің басты қонағы – Қ.Нұртас
27-29 маусым аралығында қаламызда Жастар күні мерекеленеді. Жыл сайын бұл күн ерекше аталып өтетін. Облыс әкімі Н.Садуақасов жастармен бірге спорт жарыстарын, байқауларды тамашалап шығатын. Биыл да осы дәстүр жалғасын таппақ. Өткен жылғыдай келушілердің қатары көп болады деген болжам бар.
27 маусым күні аталмыш мереке спорттық ойындармен басталады. Ал келер күні көпшілік шығармашылық фестиваліне, бос жұмыс орындар жәрмеңкесіне қатыса алады. Ал 29 маусымда мереке жастар шеруіне жалғасып, қазақ эстрадасының жарқын жұлдызы Қайрат Нұртастың қатысуымен өтетін гала-концертпен аяқталмақ.
Айтолқын Айқадамова
