Өнерлі жастар бақсынасты
Қостанайда «Жеңістің жолдарымен» атты халықаралық шығармашыл жастар фестивалінің іріктеу кезеңі өтті. Ауқымды шараға облыс аумағындағы жоғары оқу орындарының студенттері қатысты. 
Ұлы Жеңістің 70 жылдығына арналған фестивальде өнерпаздар хор, жеке орындау, дуэт, эстрадалық вокал, көркемсөз оқу, хореография жанрлары бойынша сынға түсті. Бес жүз орынға шақталған ҚМПИ-дың залы көрерменге лық толды. Жүзге жуық шәкірт өз өнерлерін ортаға салды. Әсем әуен, тәтті күй, мың бұралған би бәрі-бәрі Жеңістің жетпіс жылдығына арналды.
Сонау 1941 жылы үлкен-кіші Жеңіс үшін тер төгіп, қан майданда жан алысып-жан берісті. Арада жетпіс жыл өткенде бейбіт елдің ұрпағы батыр бабаларының ерлігін мақтана айтуда.
– Өр рухты майдангерлеріміз баға жетпес бейбітшілікті сыйлады. Сондықтан ержүрек ерлер ұрпақ санасында мәңгі сақталуы тиіс. Ұлы Жеңіс – өткен тарихымыздың өшпес бір бөлігі,-деді педагогика ғылымдарының кандидаты, доцент, ҚМПИ жанындағы әлеуметтік-тәрбие жұмыстары жөніндегі басқарманың басшысы Салтанат Жақаева.
«Жеңістің жолдарымен» халықаралық фестивалінің іріктеу кезеңі 13-26 сәуір аралығында республиканың барлық аймақтарында өтуде. Арнайы бекітілген қазылар алқасы үздік өнерпаздарды таңдайды. Көптің көңілінен шыққан шығармашыл жастар 29 сәуірде Астана қаласында болатын гала-концертке жолдама алады. Қорытынды фестивальге ТМД елдерінің өнерлі жастары қатыспақ.
Ұлы Жеңістің 70 жылдығына арналған фестивальде өнерпаздар хор, жеке орындау, дуэт, эстрадалық вокал, көркемсөз оқу, хореография жанрлары бойынша сынға түсті. Бес жүз орынға шақталған ҚМПИ-дың залы көрерменге лық толды. Жүзге жуық шәкірт өз өнерлерін ортаға салды. Әсем әуен, тәтті күй, мың бұралған би бәрі-бәрі Жеңістің жетпіс жылдығына арналды.
Сонау 1941 жылы үлкен-кіші Жеңіс үшін тер төгіп, қан майданда жан алысып-жан берісті. Арада жетпіс жыл өткенде бейбіт елдің ұрпағы батыр бабаларының ерлігін мақтана айтуда.
– Өр рухты майдангерлеріміз баға жетпес бейбітшілікті сыйлады. Сондықтан ержүрек ерлер ұрпақ санасында мәңгі сақталуы тиіс. Ұлы Жеңіс – өткен тарихымыздың өшпес бір бөлігі,-деді педагогика ғылымдарының кандидаты, доцент, ҚМПИ жанындағы әлеуметтік-тәрбие жұмыстары жөніндегі басқарманың басшысы Салтанат Жақаева.
«Жеңістің жолдарымен» халықаралық фестивалінің іріктеу кезеңі 13-26 сәуір аралығында республиканың барлық аймақтарында өтуде. Арнайы бекітілген қазылар алқасы үздік өнерпаздарды таңдайды. Көптің көңілінен шыққан шығармашыл жастар 29 сәуірде Астана қаласында болатын гала-концертке жолдама алады. Қорытынды фестивальге ТМД елдерінің өнерлі жастары қатыспақ.
Қымбат ДОСЖАНОВА
Суретті түсірген Бағдат Ахметбеков
