Жас футболшылар шықты алаңға
Ұзынкөл ауданы. Аудандағы спорт мектебінің спорт залында мектеп оқушылары арасында шағын футболдан турнир өтті. Турнирге 7 команда қатысты. Жас футболшылар жеңімпаз болу үшін тайталаса сынға түсті. Әсіресе бәсеке «Балалар-жастар спорт мектебі»-1» мен «Сокол» командалары арасында болды. Нәтижесінде спорт мектебінің футболшылары «Соколдардың» қақпасына артық бір доп салып, жеңімпаз атанды. Екніші орынды соколдықтар, үшінші орынды «Суворовское-2» командасы жеңіп алды. «Үздік қақпашы»- Б. Литвинов, «Үздік қорғаушы»-А. Абай., «Үздік ойыншы»- Д. Котлячков атанды. Жеңімпаздар марапатқа ие болды.
