«Дастарқанның» қонағы
Қазір еттің сүрленіп, ұзын сарының келетін кезі. Осындайда дастарқан мәзірін түрлендіру өз қолымызда. Оқырмандарымыз үшін жаңа мәзір ұсынып отырмыз. Жас келін Айым Нұржақыпова мынадай мәзірімен бөлісті.
Дәмді котлет
Қажет заттар:
Бір банка «майдағы сардины» консервісі
3 картоп,
2 пияз,
2 жұмыртқа,
3-4 ас қасық ұн,
Қара бұрыш, ас тұзы
Дайындалуы: Майлы балықты езіп, оған жуаны ұсақтап турап, картопты үккіштен өткізіп салып, жұмыртқамен араластырамыз да ұн саламыз. Қосымша тұз, бұрыш салуды да ұмытпаңыз. Қою құймақ тәрізді болуы қажет. Табадағы қызып тұрған майға екі жағын кезектеп пісіресіз. Гарнирді өз қалауыңызға орай әзірлеуге болады.
Өте дәмді. Пісіріп, жақындарыңызды қуантыңыз.
