Ел чемпионатында топ жарды
Еркін күрестен Қарағанды қаласында өткен Қазақстан Республикасының чемпионатынан жерлесіміз Заманбек Хамитов олжамен оралды.
Еліміздің түкпір-түкпірінен сайдың тасындай жігіттерді жинаған жарыста Қостанай облысының намысын 15 спортшы қорғады. Заманбектің салмақ дәрежесінде 50-ге тарта балуан оған мықты қарсылас бола алды. Алайда үздік атану Рудныйлық жігітке бұйырды. Заманбекті алғаш рет әкесі күрес залына әкелгенде небары 6 жаста болатын. Жас жігіт еркін күреске бел шеше кірісіп, қайтпас еңбектің арқасында көптеген жарыстарда топ жарды.
Еліміздің түкпір-түкпірінен сайдың тасындай жігіттерді жинаған жарыста Қостанай облысының намысын 15 спортшы қорғады. Заманбектің салмақ дәрежесінде 50-ге тарта балуан оған мықты қарсылас бола алды. Алайда үздік атану Рудныйлық жігітке бұйырды. Заманбекті алғаш рет әкесі күрес залына әкелгенде небары 6 жаста болатын. Жас жігіт еркін күреске бел шеше кірісіп, қайтпас еңбектің арқасында көптеген жарыстарда топ жарды.
– Бірінші айналымда Атыраудың, екінші айналымда Павлодардың балуанымен жекпе-жекке шықтым. Одан кейін Қарағанды, Орал, Астананың спортшыларымен иық тірестіріп, барлығын жеңіп шықтым. Маған ең мықты қарсылас 7/5 есебімен ұтылған Оралдың жігіті бола алды, – дейді Заманбек.
Республикалық чемпионаттағы бас жүлде Заманбектің алдына жаңа мүмкіндіктерді ашты. Маусым айында спортшы Үндістанда өтетін Азия чемпионатына аттанып, сонда ел намысын қорғамақ.
Қуаныш ЕСҚАБЫЛ
