Қазақстандық «Жеңіс лентасы»

Астанада Ұлы Отан соғысындағы Жеңістің 70 жылдығына орай мерекелік лентаның нобайы жасалды. «Жеңіс лентасы» 9 мамырдың қарсаңында көпшілікке таратылмақ. Бұл туралы YK-news.kz ақпараттық порталында жазылған.
Аталған порталдың ақпараты бойынша, «Жеңіс лентасы» көк түсті жібек матадан жасалады. Лентаның ұзындығы 30 сантиметр, жиегі ою-өрнекпен әрленеді. Ал шетіне ҰОС ордені бейнеленбек. Сонымен қатар «9 мамыр-Жеңіс күні. 1941-1945 жылдар» деген сөйлем жазылады. «Жеңіс лентасын» ең алдымен ардагерлерге сыйға тарту жоспарланып отыр. 

 

Қымбат ДОСЖАНОВА