Республикаға жолдама алды
Қазақстан мұсылмандары діни басқармасының төрағасы, Бас мүфти Ержан қажы Малғажыұлының жүлдесі үшін қазақ күресінен ересектер арасында 4 республикалық турниріне баратын жолдама сарапқа салынды.
Оған облыс көлеміндегі барлық қалалар мен аудандардан келген палуандар күш сынасты. Ұлттық спортты Қостанай облысының бас имамы Бахытбек қажы Тәжімбет, жетекшілік ететін «Социум & Я» қоғамдық бірлестігінің жетекшісі Марат Жұрқабаев және облыстық дін істері басқармасының басшысы Жанболат Үмбетовтың ұйымдастырды.
Күрес тартысты өтті. Жарысты ұйымдастырушылар да, ұлттық спортымыз десе ішкен асын жерге қоятын замандастарымыз да дән риза болысты.
Сонымен бірінші орынды Жанкелдин ауданы Оспан қожа әулие мешітінің өкілі Жұмахан Қасымханов жеңіп алды. Екінші орынды Алтынсарин ауданы Алдиярұлы Жанұзақ мешіті атынан қатысқан Берік Таласов иеленді. Үшінші орынды Жітіқара ауданы Ержан Тәтішев мешітінің жамағаты атынан шыққан Әділ Есжанов қанжығасына байлады.
ҚМДБ-ның Қостанай облысындағы өкілдігінің баспасөз қызметі.
