Отандық экономика мүддесі қорғалды
Еуразиялық экономикалық одақ құру барысындағы келіссөздерде қазақстандық мамандар отандық экономиканың мүддесін әріптестерінің алдында қорғай алды. Еуразиялық экономикалық одаққа кіру жөніндегі келісім-шарттың дайындығы мен қол қойылатын мерзімі туралы сыртқы істер вице-министрі Самат Ордабаев мәлімдеді.
«Мемлекетіміздің мүддесіне сай, шешім шығарылды. Құжатта тек экономикалық мәселелерді реттеу қарастырылған. Сонымен қатар, халықаралық байланыс пен үшінші тараппен халықаралық талапқа сай жұмыс істеуге қатысты екі құжатпен жұмыс істеу мәселесі көтерілді. ҚР экономикасы айтулы құжаттармен 3-5 есе қорғауға алынды. Осылайша, ел экономикасына төнер қауіп- қатерден барынша қорғана алдық» – дейді Самат Ордабаев. Айтулы құжатқа ертең (29 мамыр) Астана қаласында қол қойылады.
