Тәртіп сақшылары өлең оқыды

Облыстық ішкі істер департаментінде ақын Мұқағали Мақатаевтің өлеңдерін мәнерлеп оқудан байқау өткізілді.

Іс-шараға 70 тәртіп сақшысы қатысты. Арқалық қаласы ІІБ полицияның учаскелік инспекторы полиция лейтенанты Данияр Садуақасов қазылар ал-қасының жоғары бағасын алып, жеңімпаз атанды. Ол Мұқағалиға арнаған өз өлеңін оқып берді. Меңдіқара АІІБ қызметкері полиция лейтенанты Ксения Ярош ақынның "Жас қайың" әнін нақышына келтіре орындап, екінші орынды иеленді. Оқыған өлеңі көрермендер көңілінен шыққан  ОІІД кадр жұмысы басқармасының қызметкері Арайлым Исмағұлова үшінші орынға ие болды.